Padmasree Sunkara is with Padmasree Sunkara and 3 others.

గతంలో కూడా పెట్టుబడుల కోసం దావోస్ వెళ్ళాడు చంద్రబాబు, కొన్ని వందల ప్రజా ధనం వాడి అక్కడ స్టాల్ పెట్టాడు, ప్రచారం చేసుకున్నాడు. కానీ ఇప్పటివరకు ఒక్క రూపాయి పెట్టుబడి అయినా వచ్చిందా ఆంధ్రప్రదేశ్ కి??? ఇప్పుడు ఆయన చేస్తున్న కొరియా పర్యటన కూడా ప్రజలని మభ్యపెట్టానికే తప్ప నిజాయితీ లేదు. ఎప్పుడో ఒప్పందం చేసుకున్న కియో మోటార్స్ కంపెనీతో మరలా మొన్న ఒప్పందం చేసుకోవటంలోనే చంద్రబాబు ప్రచార ఆరాటం తప్ప నిజాయితీ లేదని అర్ధమౌతుంది. చంద్రబాబు కి తెలిసింది ఒక్కటే గోబెల్స్ ప్రచారం, ప్రజా ధనాన్ని దోచుకోటం.

స్టాల్‌ పెట్టు.. ప్రచారం కొట్టు... చంద్రబాబు దావోస్‌ పర్యటనల ఆంతర్యమిదే... కీలక ఉపన్యాసకుల్లో సీఏం పేరే లేదు.... టికెట్‌ కొనుక్కొని హాజరై,ప్రత్యేక ఆహ్వానమంటూ అబద్ధాలు... ఈవెంట్‌ మేనేజ్‌మెంట్‌కు రూ.7.52 కోట్లు చెల్లించి... సదస్సులో లాంజ్‌ ఏర్పాటుకు మరికొంత ఖర్చు... ప్రత్యేక విమానం, తదితర ఖర్చులు అదనం.... చంద్రబాబు సీఎంగా ఉన్న ప్రతిసారీ ఇదే తంతు.... సర్కారు సొమ్ముతో తననో ఆర్థిక మేధావిగా చూపించుకునే యత్నం

ముఖ్యమంత్రి చంద్రబాబు నాయుడు దావోస్‌ యాత్రల లోగుట్టు బట్టబయలైంది. ప్రపంచ ఆర్థిక సదస్సుల్లో పాల్గొనేందుకు తనకు ప్రత్యేక ఆహ్వానం వచ్చిందంటూ ఆయన ఘనంగా చెప్పుకోగా... అలాంటి ఆహ్వానం లేనేలేదని, రూ.కోట్ల ఫీజు చెల్లించి వెళ్లారని వెల్లడైంది. ముఖ్యమంత్రి పలు అంశాలపై ఉపన్యసించారని సీఎం కార్యాలయం రోజుకో పత్రికా ప్రకటన విడుదల చేయగా... కీలక ఉపన్యాసకుల జాబితాలో చంద్రబాబు పేరెక్కడా కానరాలేదు. పలు సంస్థల అధిపతులతో చర్చలు జరిపినట్లు రోజూ పత్రికల్లో ప్రముఖంగా ఫొటోలు కనిపించగా... ఒక్క ఒప్పందమూ కుదిరిన దాఖలాలు లేవు. దీన్ని బట్టి చంద్రబాబు దావోస్‌ పర్యటనలన్నీ తననో ఆర్థిక మేధావిగా చూపించుకునేందుకు అబద్ధాలు, అభూత కల్పనలతో సాగిన కట్టుకథలేనని స్పష్టమవుతోంది. చంద్రబాబు ముఖ్యమంత్రిగా ఉన్న ప్రతిసారీ క్రమం తప్పకుండా చేస్తున్న ఈ పర్యటనల వల్ల రాష్ట్రానికి ఎలాంటి ప్రయోజనమూ లేకపోగా ఖజానాపై మాత్రం రూ.కోట్ల భారం తప్పడంలేదని అధికార వర్గాలే వ్యాఖ్యానిస్తున్నాయి.

ప్రత్యేక ఆహ్వానం పెద్ద అబద్ధం
స్విట్జర్లాండ్‌లోని పర్యాటక కేంద్రమైన దావోస్‌లో ప్రతీ ఏటా జరిగే ప్రపంచ ఆర్థిక వేదిక సదస్సుల్లో పలు అంశాలపై చర్చలు, ఉపన్యాసాలు సాగుతాయి. ఇందులో ప్రపంచంలోని 100కు పైగా దేశాల నుంచి 2,500 మంది ప్రతినిధులు హాజరవుతారు. బడా బడా కార్పొరేట్‌ సంస్థల సీఈఓలు, ప్రతినిధులు, జీ20 తదితర కీలక దేశాల ప్రభుత్వాధినేతలు, ముఖ్యమైన రాజకీయ నాయకులు, సాంకేతిక రంగ ప్రముఖులు, సామాజిక వేత్తలు, సామాజిక సంస్థలు, మీడియా సంస్థల ప్రతినిధులు వీరిలో ఉంటారు. ప్రభుత్వాధినేతలు, మత పెద్దలు, విద్యావేత్తలు, సామాజికవేత్తలు, అంతర్జాతీయ సంస్థల సభ్యులు, వార్తా చానళ్ల ప్రతినిధులు వంటి కొందరు ఆహ్వానితులకు తెల్ల బ్యాడ్జీలు ఇస్తారు. వారికి ప్రవేశం ఉచితం. వాణిజ్యపరంగా హాజరయ్యేవారు మాత్రం రూ.14 లక్షలు పెట్టి ప్రవేశ టికెట్‌ ‘కొనుగోలు’ చేయాల్సిందే.

ఇప్పుడు దావోస్‌లో జరుగుతున్న 47వ ప్రపంచ ఆర్థిక సదస్సుకు ప్రత్యేకంగా తనకు ఆహ్వానం వచ్చిందని చంద్రబాబు చెప్పగా... ఆర్థిక సదస్సు కీలక ఉపన్యాసకుల్లో ఆయన పేరే లేదు. దీంతో ఆయన చెప్పినవన్నీ అవాస్తవాలేనని, ఆయన టికెట్‌ కొనుక్కునే వెళ్లారని స్పష్టమవుతోంది. ఉమ్మడి రాష్ట్రంలో 1995లో ముఖ్యమంత్రిగా పనిచేసిన కాలం నుంచి ప్రతీ ఏడాది ఇలా టికెట్‌ కొనుక్కునే వెళ్లారని తెలుస్తోంది. రాష్ట్ర విభజన అనంతరం 2015, 2016 జనవరిలోనూ చంద్రబాబు దావోస్‌ పర్యటనకు వెళ్లారు. 2015 సదస్సులో చంద్రబాబును చూసి మైక్రోసాఫ్ట్‌ వ్యవస్థాపకుడు బిల్‌గేట్స్‌ భావోద్వేగానికి గురయ్యారని పచ్చ పత్రికలు వార్తలు ప్రచురించాయి. కానీ ఆ ఏడాది ఉపన్యాసకుల జాబితాలో కేంద్ర ఆర్థిక మంత్రి అరుణ్‌ జైట్లీ పేరే తప్ప చంద్రబాబు పేరు కానరాలేదు.

చంద్రబాబు ఎప్పుడు దావోస్‌ వెళ్లినా యూరోపియన్‌ దేశాలనుంచి రూ.లక్షల కోట్లు పెట్టుబడులు తెస్తున్నారని ఊదరగొట్టడమే తప్ప వాస్తవరూపం దాల్చలేదు. 2015, 2016 పర్యటనల్లోనూ మైక్రోసాఫ్ట్, ఇన్ఫోసిస్, విప్రో సంస్థలు కొత్తగా విశాఖపట్టణాల్లో కేంద్రాలను ఏర్పాటు చేస్తాయని చెప్పారు. కానీ అవన్నీ ప్రకటనలకే పరిమితమ య్యాయి. తాజాగా ఈ ఏడాది దావోస్‌ పర్యటనకు ఈవెంట్‌ మేనేజ్‌మెంట్‌ పేరుతో ఏకంగా రూ.7.52 కోట్లు వ్యయం చేశారు. అంతేకాకుండా ఈ సదస్సులో ఏపీ లాంజ్‌ ఏర్పాటునకు స్థలాన్ని కూడా రాష్ట్ర ప్రభుత్వం కొనుగోలు చేసుకుంది. రాష్ట్రం ఆర్థికంగా క్లిష్ట పరిస్థితుల్లో ఉన్న సమయంలో కేవలం ఒక సదస్సులో పాల్గొన్నామని ప్రచారం చేసుకునేందుకు ఇన్ని రూ.కోట్ల వ్యయం చేయడంపై అధికారులే విస్తుపోతున్నారు.

రూ.కోట్లు ఖర్చు చేసినా ప్రయోజనం శూన్యం
దావోస్‌ సదస్సులోఈవెంట్‌ మేనేజ్‌మెంట్‌ను రాష్ట్ర ప్రభుత్వం కాన్ఫడరేషన్‌ ఆఫ్‌ ఇండియన్‌ ఇండస్ట్రీస్‌ (సీఐఐ)కు అప్పగించింది. దావోస్‌ సదస్సు జరిగే ప్రాంతంలో ఇండియా లాంజ్‌కు సమీపంలో ఏపీ లాంజ్‌ను రిజర్వ్‌ చేయడానికి 6.39 కోట్ల రూపాయలు వ్యయం అవుతుందని సీఐఐ అంచనా వేసింది. ఈ మొత్తాన్ని చెల్లించాల్సిందిగా సీఐఐ రాష్ట్ర ప్రభుత్వాన్ని గత ఏడాది మార్చి 31వ తేదీనే కోరింది. సీఐఐ అంచనా నివేదికను పరిశీలించిన రాష్ట్ర ఆర్థికాభివృద్ధి మండలి సీఈవో అడ్వాన్స్‌గా 50 శాతం అంటే 3.20 కోట్ల రూపాయలను చెల్లించాల్సిందిగా పరిశ్రమల శాఖకు సూచించారు. దీంతో పరిశ్రమల ప్రోత్సాహకం (ప్రకటనలు, సేల్స్, ప్రచారం) కింద 3.20 కోట్ల రూపాయలను సీఐఐకి చెల్లిస్తూ గత ఏడాది మే 25వ తేదీన జీవో–160ను పరిశ్రమల శాఖ కార్యదర్శి అరోఖ్యరాజ్‌ జారీ చేశారు.

Like