కొండలలో నెలకొన్న కోనేటి రాయడు వాడు కొండలంత వరములు గుప్పెడు వాడు.. కుమ్మర దాసుడైన కురువరతినంబి యిమ్మన్న వరములెల్ల నిచ్చిన వాడు దొమ్ములు సేసిన యట్టి తొండ మాం చక్కుర వర్తి రమ్మన్న చోటికి వచ్చి నమ్మిన వాడు.. అచ్చపు వేడుకతోడ ననంతాళు వారికి ముచ్చిలి వెట్టికి మన్ను మోచిన వాడు మచ్చిక దొలక దిరుమలనంబి తోడుత నిచ్చనిచ్చ మాటలాడి నొచ్చిన వాడు.. కంచిలోనుండ తిరుకచ్చినంబి మీద కరుణించి తనయెడకు రప్పించిన వాడు ఎంచి యెక్కుడైన వేంకటేశుడు మనలకు మంచివాడై కరుణ బాలించినవాడు